Tovuz-Əlibəyli yolunun Aşağı Öysüzlü kəndi ərazisində 3 nəfərin xəsarət almasına səbəb olan yol qəzası baş verib. Belə ki, Tovuz şəhər sakini 43 yaşlı Tahir Yusifova məxsus Qaz 21-29 markalı avtomaşınla Yuxarı Öysüzlü kənd sakini 34 yaşlı Elşən Rəhimova məxsus “Niva” markalı minik maşınları toqquşub. Nəticədə, Qaz 29-un sürücüsü Tahir Yusifov və “Niva”nın sərnişinləri — 31 yaşlı Təranə Rəhimova və iki yaşlı Əsmər Rəhimova xəsarət alaraq Tovuz Mərkəzi rayon Xəstəxanasına yerləşdiriliblər.Daha bir yol qəzası eyni vaxtda Tovuz-Əlibəyli yolunun Qaziqulu kəndi ilə kəsişən hissəsində baş verib. Bu dəfə Əlibəyli kənd sakini 33 yaşlı Vüqar Mehdiyev idarə etdiyi Vaz 21-06 markalı avtomaşını əvvəlcə yolun kənarında dayanan eyni markalı avtomaşına daha sonra isə yol kənarındakı mağazaya çırpıb. Hər iki fakt üzrə Tovuz rayon polis şöbəsində araşdırma aparılır.
CÜMŞÜD MƏMMƏDOV (turkeltv.az)
