Son vaxtlar Tovuzda oğurluq hadisələri çoxalıb.İstər mənzillərdən,istərsə də digər yerlərdən. Bu nə ilə bağlıdır,polisin zəif işi ,yoxsadigər amillər… Ötən gün gecə saatlarında Tovuz rayonunda oğurluq hadisəsi baş verib. Oğurluğa düşən şəxslərin hədəfində iki mağaza olub. Hadisə rayonun Bozaqanlı kəndində qeydə alınıb. Dırnaqarası qəhrəmanlar kənd sakini Nofəl Quliyevə məxsus mağazadan oğurluq ediblər. Ev sahiblərinin sözlərinə görə onlar mağazadan xeyli sayda ərzaq, spirtli içki, ət məhslulları, tütün məmulatları və bahalı geyim aparıblar. Bununla kifayətlənməyən cinayətkarlar kassadan 300 manat pul da götürüblər. Mağaza sahibləri onu da bildirdi ki, hadisəni törədənlər mağazaya qapını sındıraraq daxil olublar. Bununla kifayətlənməyən oğrular yaxınlıqdakı mağazanı da yarıblar. Mağaza sahibi Azər Hüseynovun dediyinə görə oğrular buradan bağlamalarla tütün məhslulları, spirtli içkilər, yuyucu tozları və kassadan 160 manat məbləğində pul aparıblar. Azər Hüseynov iddia edir ki, hadisəni törədənlər qrup halında olub. Hadisə ilə bağlı Tovuz rayon Polis şöbəsindən bildirdilər ki, hazırda istintaq tədbirləri başlanılıb. Araşdırma aparılır.
CÜMŞÜD MƏMMƏDOV(turkeltv.az)
PS: Son vaxtlar Tovuzda oğurluq hadisələri çoxalıb.İstər mənzillərdən,istərsə də digər yerlərdən. Bu nə ilə bağlıdır,polisin zəif işi ,yoxsa digər amillər. Maraqlısı da odur ki, həddən artıq açılmamış bu səpkili cinayət işləri var. Bu açılmamış cinayətlər haqqında gələn saylarımızda mütəmadi məlumat verəcəyik... (www.tovuzlular.com)