Tovuz rayonunda saz-söz sənətinin əsl ustadı olan Aşıq Əkbər Cəfərovun 80 illik yubileyi keçirilib. Yubley tədbiri ustad aşığın özünün adını daşıyan rayon mədəniyyət evində qeyd edilib. Anım tədbirində Azərbaycan Mədəniyyət və Turizm Nazirliyinin nümayəndəsi, Azərbaycan akademik milli dram teatrının tanınmış akyorları, Əkbər Cəfərovun ailə üzvləri, ustad aşıqlar, Əkbər məktəbinin yetirmələri, rayon ictimaiyyəti və sakinləri iştirak edib. Yubiley gecəsini professor Qəzənfər Paşayev idarə edib. Anım mərasimində Əkbər Cəfərovun malik olduğu fitri istedada, onun saz sənətinin incəliklərini ustadı olmadan bilməsinə və 72 saz havasının hamısını əzbər bildiyindən söz açılıb. Daha sonra ustad aşığın çəkildiyi “Ögey Ana və Böyük Dayaq “ filmindən fraqmentlər təqdim olunub. Bildirilib ki, Əkbər Sovet dönəmində yeganə aşıq olub ki, onun sənəti Moskvada qeydiyyata alınıb. Bu gün də fəxarət hissi keçiririk ki, Əkbər məktəbinin yetirmələri Cənubi Azərbaycanda, Rusiyada eləcə də Azərbaycanımızın müxtəlif bölgələrində onun saz havalarında yaratdığı özəl boğazları saz sevərlərə çatdırırlar.
Ev Cəmiyyət