Ovçuların hədəfi olan xınalı kəkliyi Tovuz sakini həyətində saxlayır.
Artıq 2 ildir ovladığı bu quşu bəsləyən Xəyal Qarayev onun sayını artıraraq 30-a çatdırıb. Adi ev quşaları kimi yumurta qoyan kəklik 21 gün sonra bala verir. Xüsusi hazırlanmış qəfəsdə saxlanılan Xınalı kəklik artıq bu mühitə tam uyğunlaşıb. Xəyal Qarayev bu canlıları üyüdülmüş yonca və xüsusi kalorili yemlə bəsləyir. Onun sözlərinə görə, kəkliyin yumurtalarını adi ev quşları da çıxarır amma sürətlə böyüyən balalar nəzarətsiz qaldıqda uçub gedirlər. Kəkliyin ölkəmizdə daha çox boz növü yayılıb. Xınalı kəklik isə əsasən çay kənarlarında gözə dəyir. Dik dağlarda yuva quran bu canlı 23 yumurta qoya bilir.(kepeztv.az)
