Bələdiyyə seçkiləri ilə əlaqədar dairə seçki komissiyalarının üzvləri və məntəqə seçki komissiyalarının sədrləri üçün Tovuzda seçki hüququ üzrə ixtisaslaşdırılmış kurslarda seçki prosesində KİV-in rolu müzakirə olunub.
105 saylı Tovuz seçki dairəsi dairə seçki komissiyasının sədri Əhməd İbrahimov AzərTAc-a bildirib ki, kursların ikinci günü rayon məhkəməsinin sədri Könül Məmmədov “Seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçki hüququnun qorunması mexanizmləri”, MSK-nın nümayəndələri Rəşid Yusifbəyli və Cavid Zeynalov “Seçki prosesində KİV-lərin rolu və xarici müşahidəçilərin hüquq və vəzifələri”, dairə seçki komissiyasının sədri Əhməd İbrahimov “Seçici siyahıları ilə iş qaydası” mövzularında çıxış ediblər.
Dinləyicilərin seçki prosesi ilə bağlı sualları cavablandırılıb.
Ev Cəmiyyət