Mən heç nədən qorxmuram. Hər gün dərsə həvəs və maraqla gedirəm. Böyüyəndə zabit olacaq və torpaqlarımızı düşməndən azad edəcəyəm!Bu sözləri AzərTAc-ın müxbiri ilə söhbətində Tovuz rayonundakı Hacallı kənd tam orta məktəbinin dördüncü sinif şagirdi Elvin Hüseynli deyib. O, Azərbaycan və əsgərlər haqqında çoxlu şeir bildiyini, dərslərindən əla qiymətlər aldığını söyləyib.“Dərslərimiz qurtarandan sonra məktəbdə qalıram və yuxarı sinif şagirdləri ilə birgə hərbi dərslərdə sıra hazırlığı öyrənirəm” – deyə E.Hüseynli qeyd edib.
