Tovuz rayonunda, 1 saylı Düz Qırıqlı kənd orta məktəbində millət vəkili Qənirə Paşayevanın müəllifi olduğu kitabların «Məndən sonra …», «Səndən sonra …», «O…», «Dünyanı dəyişən alimlər», «Hesab vaxtı» , «Aşk deyince ötesini arama …» və. s kitablarının təqdimatı və imzalanması keçirilib. Millət vəkili Qənirə Paşayeva həyatdan köçmüş bütün dəyərli müəllimləri rəhmətlə yad edərək təhsil aldığım məktəbdə kitablarımın təıqdimatı və imzalanmasının keçirilməsi bir başqa duyğudur və məktəbin kollektivinə bunun üçün təşəkkür edirəm deyib. Müəllifi olduğu kitablar haqqında məlumat verən millət vəkili, «Avrasiya Beynəlxalq Araşdırmalar İnstitutu» İB-nin rəhbəri Qənirə Paşayeva bildirib ki, ölkəmizin möhkəmliyi üçün gələcək nəslin nümayəndələrinin savadlı, təhsilli və elmə meyilli və zəngin dünyagörüşünə malik olması əsas şərtdir. Ölkəmizin daha da inkişafı üçün gənclərin savadlı, təhsilli, elmə və kitab oxumağın meyilli olması əsas şərtdir deyən millət vəkili Qənirə Paşayeva inkişafın yolunun kitabdan, oxumaqdan, öyrənməkdən keçdiyini və «müəllifi olduğum kitablar sizi xoşuna gələrsə, bundan məmnun qalaram» deyib.
