Hər il yanvar, fevral ayında Tovuza 20-30 sm qalınlığında qar düşürdü, bu il isə yalnız Tovuzun ucqar dağ kəndləri ağ örpəyə bürünüb. Qar bölgədə bir sıra çətinliklər yaratsa da, sakinlər yazın yaxınlaşdığı günlərdə qarın yağmasını sevinclə qarşılayıblar. Havaların mülayim keçməsi yağan qarın tez bir zamanda əriməsinə səbəb olur. Ucqar kəndlərdə yaşayanlar qar yağan gündən Gəncə və Şəmkirdən həvəskarların əsasən kəndə gələrək qar topu oynadıqlarını bildiriblər.
