“Tarixi Şəxsiyyətlər” jurnalının yeni buraxılışı işıq üzü görüb. Bujurnal milli-mənəvi irsin öyrənilməsi üzrə beynəlxalq ictimai-siyasi aylıq jurnaldı. Nəşrin hər buraxılışı hansısa bir ölkəyə və ya tarixi şəxsə həsr olunur. “Tarixi Şəxsiyyətlər” jurnalının bu sayı da Türkiyə Cumhuriyyətinin Prezidenti Rəcəb Tayyib Ərdoğana həsr olunub. Jurnalda türk dünyasında böyük nüfuza malik olan R.T.Ərdoğanın keçdiyi ömür yolu, siyasi fəaliyyəti barədə ətraflı məlumat və məqalələr yer alıb. R.T.Ərdoğan Vətən və millət qarşısında borcunu şərəflə yerinə yetirdiyinə, milli-mənəvi dəyərlərə hörmətlə yanaşdığına görə “Tarixi Şəxsiyyətlər” tərəfindən “2016-cı ilin adamı” adına layiq görülüb.Mükafatın təqdimetmə törəninin bu ay Türkiyədə keçirilməsi nəzərdə tutulub.
Günay Nəriman
