Tovuzda bədbəxt hadisə baş verib. Heyvanlarının arxasınca gedən rayonun Qaralar kənd sakini düşmənlə təmas xəttinə yaxın ərazidə minaya düşüb. Kənd sakini 40 yaşlı Hidayət Müseyibov özünəməxsus olan mal-qaranın arxasınca gedərkən minaya düşüb. Hadisədən xəbər tutan qonşular və yaxınları onu Tovuz rayon Mərkəzi xəstəxanasına yerləşdirib. Xəstəni qəbul edən növbətçi həkim Kəmaləddin Abbasov xəstənin sağ ayağının barmaqlarının amputasiya olunduğunu və vəziyyətinin orta ağır olduğunu bildirdi.
