Tovuzda “Qan verməklə başqasına həyat verirsən” şüarı altında könüllü qanvermə aksiyası keçirilib. Aksiya Mərkəzi Qan bankının, Prezident yanında Gənclər Fondunun təşkilatçılığı və rayon icra hakimiyyətinin dəstəyi ilə baş tutub. Aksiyanın keçirilməsində məqsəd ölkə ərazisində hemofiliya və talassemiyadan əziyyət çəkən uşaqlara yardım və insanlar arasında donor mədəniyyətini formalaşdırmaq olub. İki saat müddətində davam edən aksiyada 200 nəfər iştirak edib. Qeyd edək ki, Tovuz aksiyanın təşkil olunduğu səkkizinci rayondur. Qanvermə aksiyası bundan sonra bir neçə regionda da reallaşdırılacaq. Qanvermə aksiyası zamanı hər rayonda olduğu kimi, Tovuzda da könüllü qan verənlərə xüsusi “Fəxri Donor” kartları təqdim edilib.
Cümşüd Məmmədov -TTV
